O conselleiro de educación visita o centro, ante a petición da directiva do Anpa

O pasado 27 de Xullo recibimos a visita do conselleiro de educación da Xunta de Galicia, Jesús Vazquez, atendendo así este unha petición da directiva do anpa coa que se habia comprometido a realizala durante a pasada campaña electoral.
Durante esta visita faiselle chegar un escrito coas necesidades mais urxentes que mostra o instituto.
Estas necesidades son petición conxunta do Anpa e da dirección do centro, e son as seguintes:

1.- Chegar a un acordo co concello para a construción dun almacén para o ximnasio.

2.- Reclamar ao concello a solución dos accesos, tanto peonil como para o transporte escolar.

3.- Envío de mais equipos informaticos, xa que os existentes son insuficientes.

4.- Solicitude dunha partida económica especial para seguir coa elevación do valado para impedir que saian os balóns fora do recinto do IES.

5.- Solicitude do peche do pavillón cuberto para poder convertelo nun multiusos, que por un lado permita practícar o deporte aos alumnos mesmo baixo malas condicións climatologicas, e por outro dotar o centro dun salón de actos para realizar festivais, obras de teatro, etc, xa que o instituto carece deste.

6.- Incluír na oferta educativa do centro o Bacharelato Artístico, na modalidade de Artes Escénicas, Música e Danza, atendendo así á gran demanda existente en Ponteareas, de cursar este tipo de estudo.

7.- Compromiso por parte do conselleiro de visitar o centro para a entrega dos premios, recoñecemento á mellor evolución académica dentro do próximo curso, iniciativa conxunta da dirección do centro, e do Anpa, e que contará coa colaboración do concello

A visita do conselleiro foi recollida por varios medios de comunicación:

Carencias do centro

Esta é a listaxe de carencias que amosa o novo I.E.S. de Ponteareas, e que temos entregado, tanto no centro, como na Consellería de Educación.

-. A biblioteca non ten libros.
-. Educación física non ten ningunha equipación, tales como balóns, petos,
conos, etc., o cal obrigará a eliminar da programación gran parte do
temario.
-. Aula de música sen instrumentos.
-. Aula de audiovisuais, totalmente baleira, ata sen mobiliario.
-. A terceira planta do edificio carece de mobiliario.
-. No aula de tecnoloxía só hai unha caixa de ferramentas cando se necesitarían sete, para ter unha por cada mesa de traballo.
-. A dotación de computadores é insuficiente, necesítanse mínimo 18 máis.
-. Non hai taquillas para os alumnos.
-. O laboratorio está sen equipar.
-. Os cuartos de baño non teñen espellos.
-. O local da Anpa está baleiro.
-. Non existe salón de actos para reunións, conferencias, festivais, etc.
-. Non hai timbre nin porteiro automático na entrada do centro, polo que
para poder entrar hai que chamar por teléfono.
-. O ximnasio non ten almacén, porque nel situáronse os depósitos da auga
quente procedente das placas solares.
-. O pavillón cuberto non ten pardes e cando chove entra a auga por todos
lados formándose charcos no interior, polo que a cuberta non
vale para nada.
-. Os pilares do pavillón cuberto atópanse a un metro da liña de xogo
sen protección ningunha, polo que calquera neno pódese
chocar con eles e facerse dano.
-. Todo o patio está sen axardiñar, e coa choiva a terra invade os
corredores, converténdose estes nunha pista de patinaxe co consecuente
perigo de caídas.
-. O valado do peche do centro é demasiado baixo, sobre todo nas
zonas de xogo, polo que os balóns poden saír fose do centro,
ata podendo invadir a estrada nacional 120